Erwin Harahap

do Now or Never

Sisindiran – Sunda

Posted by Erwin on April 14, 2008

Ekspres Bandung – Surabaya,
Digantolan kikinciran,
Neda ma’lum ka sadaya
Abdi bade sisindiran

Kalayar buah kalayar
Lebet ka cabe mah henteu
Lumayan tambi lumayan
Lebet ka sae mah henteu

Hanggasa bawa ti gunung,
dipipit bawa di rawa
Kasaha nya sumalindung
Nitipkeun raga jeung nyawa

Boboko ragrag ti imah
Ninggang kana pileuiteun
Nya bogoh ulah ka semah
Ari balik sok leungiteun

Leuleupeutan leuleumeungan
Ngarah kekejoanana
Deudeukeutan reureujeungan
ngarah tetenjoanana

Itikurih Bentang Sinar
Maen di lapang Cicendo
Nyeri peurih kunu anyar
matak henteu hayang nenjo

Majar Maneh cengkeh koneng
Kulit Peuteuy dina nyiru
Majar maneh lengkeh koneng
Kulit beuteung mani nambru

Pipiti di bungawari
Tetenong dibobokoan
Lalaki jaman kiwari
hade omong pangoloan

Meuleum manggu tengah poe
Dicokelan kayu api
Malem minggu ninggang sue
Diapelan aki-aki

Pileuleuyan cangkang beas
Huut sajeroning kejo
Pileuleuyan urang ikhlas
Imut sajeroning nenjo

Saninten buah saninten
Dibawa ka parapatan
Hapunten abdi hapunten
bilih aya kalepatan

_________________________________
Oleh : Dadi, [Baraya_Sunda] Sisindiran
From : http://www.mail-archive.com/baraya_sunda@yahoogroups.com/msg08430.html

Pajar maneh kangkung panjang
sihoreng gaplek teh sampeu
Pajar maneh jangkung lenjang
sihoreng pendek bureuteu

Hayang teuing buah gedong
gedong buah Indramayu
Hayang teuing kuring ngendong
ngendong di randa nu ayu

Hayang teuing boga leuit
boga leuit keur katiga
Hayang teuing boga duit
boga duit keur Perceka

Naha cau teu buahan
sihoreng comro teh lada
Saha itu nu janggotan
sihoreng Mang Jojon tea

_________________________________
Oleh : Yasgika
From : http://yasgika.wordpress.com/2008/04/13/kahayang/

Mawa obor reujeung hayam
nyieun kupat make ketan
wilujeng boboran siam
hapunten samudaya kalepatan

_________________________________
Oleh : Herdi Pamungkas
From : http://herdipamungkasred.wordpress.com/2007/10/19/sisindiran/

Metallica dikalapaan
megadeth diragaji
urang meunang memetalan
asal ulah poho ngaji

majar maneh mawa pacul
hanjakal kalah ka ngejo
majar maneh anak gaul
hanjakal waosna hejo

_________________________________
Oleh : SMP N 4 Cimahi
From : http://bhs-sunda.smpn4cimahi.com/?p=26

Sisindiran kangge budak sakola

aya hiji balon rek bitu
sabab kagencet ku buhaya
naha urang sunda teh kitu
mopohokeun kana budaya

aya jalma teu boga banda
sadayana tos dipasihkeun
angklung teh ti tatar sunda
naha urang bet mopohokeun

ulin ka laut banda
naha jadi nalangsa
kuring teh urang sunda
kuring nyaah kana basa

di kebon sato aya panda
panda ngahakan kangkung
budayakeun budaya sunda
bilih lapur kawas angklung

kamari ulin ka samarinda
trus nyimpang ka bima
kuring mah da urang sunda
nyebat ka indung teh ema

diluhur aya bandera
bandera gambar panda
naha kuring kudu era
pan ieu teh basa sunda

poe salasa tumpak kuda
kuda paninggalan walanda
urang mah urang sunda
atuh pake basa sunda

kangkung diasakan ku banda
raos pisan rasana
angklung teh asli ti sunda
kuring nu bogana

aya pawang buhaya
pawangna ulin ka persia
kudu nyaah kana budaya
bisi dicolong ku malaysia

hayang ulin ka gunung gede
di gunung aya buhaya
urang sunda sing harade
sing nyaah kana budaya

ulin ka jalan juanda
sawaktos bulan puasa
mun ngaku urang sunda
tong poho kana basa

aya huma dekeut situ
eta huma nu bogana panda
naha urang sunda teh kitu
alim nyarios ku basa sunda

Aya jalma leumpang ti peuting
Manehna teh balik nyaba
Urang sunda kudu eling
Tong hirup sakaba-kaba

(Sumber: http://etikush.blogspot.com/2009/08/pantun-sunda.html)

Lamun urang ka Cikolé
moal hésé tumpak kahar
Lamun urang boga gawé
moal hésé barang dahar

Lamun urang ninun kantéh
ulah resep maké poléng
Lamun urang leutik kénéh
ulah resep ngomong goréng

(Sumber: http://nasrulweb.com/2009/06/07/sisindiran-kumpulan-rarakitan)

20 Responses to “Sisindiran – Sunda”

  1. Tim dosen B. Jepang UNJ said

    Saninten buah saninten
    Panganten iring-iringan
    Hapunten abdi hapunten
    Bade ngiring sisindiran

    Aya listrik di masigit
    Caangna kamana-mana
    seueur istri jangkung alit
    Acingna kamana-mana

  2. panzee said

    Sorry pa ga ngerti…
    intinya apa seh???

    Guru iku teng bahasa jawi saged dipun udar dados “tiyang ingkang digugu kaliyan ditiru”

    Maturnuwun sampun ngizinaken kula kangge nulis coment teng blog Bapak Erwin.

    Pengampunten mbok wonten kata2 ingkang lepat, mugi saking niki,saged jalin tali silaturahim…Amien

    Hello Mr. Panzee,
    keren juga tuh sisindiran boso jowo …
    kula ora ngertos .. he .. he .. :)

  3. dwi awod said

    ecet ecet oet oet ngaronda ngarurek belut
    kapelet kuring kapelet kuranda nu gede hitut

  4. aya deui teu sindiran nu leuwih ampuh………..?ah nu td mh kurng euy……,cik atuh sindiran jang anak bangor heueu……….hhhhhhh?

  5. yeueeeeeeeeeeeeeehhhhhhhhhh…….. mun sindiran ulah kagok…!BLEDAG………… W SUGAN PEUHER ATUH KANA HATENA..!thank”s partai BIGGNET………..

  6. deni said

    makassssssssssih..htur nu’un kang

  7. deni said

    botol kecap minyak tanah
    di useupan kana korang
    eusian tah euy

  8. Neni said

    akang..sisindiran kanggo budak sakola atuh..
    sisindiranna anu pasaut”
    kumargi ditugaskeun ku sakola tapi abdi teu tiasa ngoeunna/..

    Mangga teh Neni,
    urang lebetkeun sisindiran kangge anu sakola

  9. etikush said

    tumpak kapal ulin ka cina
    tumpak kapal jeung urang cisaga
    hatur nuhun apresiasi na
    mugi basa sunda mingkin tohaga

  10. neni said

    akang cara bikin sisindiran nu nymabung kumaha sih..
    coba atuh neni teh, hoyong terang

    sumuhun teh neni, sim kuring mah mung resep wungkul kana sisindiran teh
    ari ngadamel mah teu tiasa ,,,, hehehehe ,,,,,
    sok atuh cikan mana sisindiran na ti teh neni

  11. Urang sunda said

    Tuang sareng beuleum peda
    Karaosna enak pisan
    Lamun urang urang sunda
    Sing tiasa sisindiran

    Aya nangka dina dahan
    Mani alus katempona
    Ulah waka bobogohan
    Bisi teu lulus sakola

    Mani caang bulan purnama
    Gedena sagede ban kapal
    Kahayang jadi sarjana
    Raraban teu apal apal

    Hiji deui ah…
    Ka banjar ka kadipaten
    Meuli leupeut dicabean
    Hanjakal jadi panganten
    Liang irung ngagedean

    hatur nuhun akang,
    anu terakhir mah khusus sisindiran kangge orang dewasa ,,:D

  12. mail archive…

    [...]Sisindiran – Sunda « Erwin Harahap[...]…

  13. All About Mail…

    [...]Sisindiran – Sunda « Erwin Harahap[...]…

  14. Abdi mah sanes urang Sunda, tapi pun bojo teh urang Sunda ti Tasikmalaya.Bakat ku bogoh ka pun bojo teh abdi pipiluan resep kana sisindiran jeung degung Sunda.

    Hatur nuhun, ngiring bingah kang rasmin.
    sok atuh mangga lebetkeun sisindiranana

  15. Malik ibnu said

    Ieumh lain si2ndiran,tapi ta2rucingan.

    naon sababna awewe mun maot d kburna sok jero?…

  16. ilfani nurul azizah said

    bagus psan sisindiran nya

  17. ilfani nurul azizah said

    jos gandos lahh sisindiranana,,hebat pisannn

  18. nur tamimaul el-qaida said

    haturrr nuhun…:) sisindiran nana ngabantosan kana tugas ti sakola..

    Sami-sami teh Nur, alhamdulillah parantos tiasa ngabantos.

  19. syauqi said

    hayang teuing ka singapur, tapi ulah naek kuda, hayang teuing jadi mashur, tapi ulah siga eMKa…

  20. Sania desta said

    Aya sisindiran nu make kecap trilingga teu?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
Follow

Get every new post delivered to your Inbox.

%d bloggers like this: